ഹ്യുണ്ടായ് ബയോണിന്റെ (Hyundai Bayon)  റിവ്യൂകൾ പുറത്തുവരുമ്പോൾ, മിഡ്-സൈസ് എസ്‌യുവി വിപണിയിൽ കാര്യമായ ഒരു വിഹിതം സ്വന്തമാക്കാൻ ഈ കാറിന് ബുദ്ധിമുട്ടായിരിക്കുമെന്നാണ് വിലയിരുത്തപ്പെടുന്നത്. വെന്യൂ (Venue), ക്രെറ്റ (Creta) എന്നിവ പോലുള്ള  എസ്‌യുവി രൂപത്തിലുള്ള മോഡലുകളിൽ നിന്ന് വ്യത്യസ്തമായി, ഇതൊരു യൂറോപ്യൻ ശൈലിയിലുള്ള ക്രോസ്ഓവർ-എസ്‌യുവി പോലെയാണ് .

BAYON ENGINE

ഈ മാർക്കറ്റിൽ ഹിറ്റ് ആയ mid size SUV മോഡലുകൾക്കെല്ലാം സാധാരണ പെട്രോൾ എഞ്ചിനു പുറമെ ടർബോ പെട്രോൾ, ഹൈബ്രിഡ്, ഡീസൽ, സി എൻ ജി എന്നിങ്ങനെ ഏതെങ്കിലും എൻജിൻ ഓപ്ഷൻ കൂടി ഉണ്ട്. ബയോണിന് സാധാരണ പെട്രോൾ എൻജിൻ മാത്രം. ഹോണ്ട Elevate ആണ് ഇക്കാര്യത്തിൽ ബയോണുമായി സാമ്യമുള്ള മോഡൽ. അതിനു വിൽപന കുറവും ആണ്. ടർബോ പെട്രോൾ മാത്രമുള്ള സ്കോഡ, VW മോഡലുകൾക്കും വിൽപന കുറവ്. Renault, Nissan മോഡലുകളുടെ അവസ്ഥയും അതുതന്നെ. അതേ ഗതി ആകുമോ ബയോണിനും എന്ന് കണ്ടറിയണം.

ബയോണിൻ്റെ iVT (CVT) ഓട്ടോമാറ്റിക് അല്ലെങ്കിൽ 6-സ്പീഡ് മാനുവൽ ഗിയർബോക്‌സുമായി ഘടിപ്പിച്ചിരിക്കുന്ന 1.5-ലിറ്റർ, 4-സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിൻ (115 PS / ~144 Nm) വളരെ സ്മൂത്. നഗരങ്ങളിൽ അനായാസമായ ഡ്രൈവിംഗും ഹൈവേകളിൽ ആയാസരഹിതമായ ക്രൂസിംഗും. ടർബോകളേക്കാൾ വളരെ റിലയബിൾ ആയ എൻജിനും ഗിയർ ബോക്സുകളുമാണിത്.

പെട്ടെന്നുള്ള പവർ (പഞ്ച്) ആഗ്രഹിക്കുന്നവർക്ക്, പ്രത്യേകിച്ച് പൂർണ്ണ ഭാരത്തോടുകൂടിയോ ഉയർന്ന വേഗതയിൽ ഓവർടേക്ക് ചെയ്യുമ്പോഴോ, ഈ നാച്ചുറലി ആസ്പിറേറ്റഡ് എഞ്ചിൻ പൂർണ്ണ തൃപ്തി നൽകിയേക്കില്ല.

മൈലേജ് - മാനുവൽ 17.2 കിലോമീറ്റർ, സിവിടി 18.6 കിമീ എന്നിങ്ങനെയാണ് കമ്പനി പറയുന്നത്. പക്ഷെ ഇത് 10-14 കിലോമീറ്ററിൽ ഒതുങ്ങും. മൈലേജ് ആഗ്രഹിച്ച് ബയോൺ വാങ്ങണം എന്നുള്ളവർ CNG മോഡൽ വരുന്നതുവരെ കാത്തിരിക്കണം.

BAYON PRICE

വില കുറവല്ല - ടോപ് വേരിയൻ്റുകൾക്ക് വില കൂടുതൽ ആയതിനാൽ അതിനുപകരം, Creta, Seltos എന്നീ വലിയ SUVകൾ വാങ്ങാൻ ആകും ആളുകൾ തയ്യാറാകുക. പുതിയ SELTOS എല്ലാ അർത്ഥത്തിലും കിടിലൻ ആണെന്ന് വിപണിക്ക് ബോധ്യപ്പെട്ടുകഴിഞ്ഞു. ഉടൻ വരാനിരിക്കുന്ന പുതിയ

CRETAയും അങ്ങനെ തന്നെ ആയിരിക്കും. ഒരേ പ്ലാറ്റ്ഫോമിലുള്ള ഒരേ സൗകര്യങ്ങൾ ഉള്ള വണ്ടികൾ ആണിവ. പെട്രോൾ, ടർബോ പെട്രോൾ, ഡീസൽ എഞ്ചിനുകളുണ്ട്.

ബയോൺ അതിന്റെ മിഡ്-സ്പെക് മാനുവൽ, ഓട്ടോമാറ്റിക് വേരിയന്റുകളിലാണ് (ഏകദേശം ₹12–15 ലക്ഷം) ഏറ്റവും കൂടുതൽ മൂല്യം നൽകുന്നത്. എന്നാൽ, ഉയർന്ന വേരിയന്റുകളിലേക്ക് എത്തുമ്പോൾ പൂർണ്ണ മിഡ്-സൈസ് എസ്‌യുവി എതിരാളികളുമായി താരതമ്യം ചെയ്യുമ്പോൾ  ആകർഷണീയത  കുറയുന്നു.

BAYON PROS

* ക്യാബിൻ -ഇന്റീരിയർ എർഗണോമിക്‌സ്, മികച്ച ഫിറ്റ് ആൻഡ് ഫിനിഷ് എന്നിവ ഇതിന്റെ വലിയ ആകർഷണങ്ങളാണ്. ടോപ്പ് വേരിയന്റുകളിൽ പ്രീമിയം കർവ്ഡ് പനോരമിക് ഡിസ്‌പ്ലേ (രണ്ട് 12.3 ഇഞ്ച് സ്‌ക്രീനുകൾ - ഇൻസ്ട്രുമെന്റ് ക്ലസ്റ്റർ + ഇൻഫോടെയ്ൻമെന്റ്), ജനറേറ്റീവ് AI വോയ്‌സ് അസിസ്റ്റന്റ്, ബോസ് (Bose) ഓഡിയോ സിസ്റ്റം, ലെവൽ 2 ADAS സുരക്ഷാ ഫീച്ചറുകൾ എന്നിവ ലഭിക്കുന്നു.

*  ബൂട്ട് സ്പേസ്: 505 ലിറ്റർ ബൂട്ട് സ്പേസും (റൂഫ് വരെ കണക്കാക്കുമ്പോൾ) സ്റ്റാൻഡേർഡ് 60:40 റിയർ സ്പ്ലിറ്റ്-ഫോൾഡിംഗ് സീറ്റുകളും ഉള്ളതിനാൽ, ധാരാളം ലഗേജ് സൂക്ഷിക്കാൻ സാധിക്കും.

* റൈഡും ഹാൻഡ്‌ലിംഗും-  സസ്‌പെൻഷൻ സെറ്റപ്പും ഉയർന്ന ഗ്രൗണ്ട് ക്ലിയറൻസും (205 mm) ഇന്ത്യൻ റോഡുകളിലെ കുഴികളെയും തടസ്സങ്ങളെയും മികച്ച രീതിയിൽ നേരിടുന്നു.  ഉയർന്ന വേഗതയിലും വാഹനം മികച്ച സ്ഥിരത പുലർത്തുന്നു

BAYON CONS

* പിൻസീറ്റ് സൗകര്യം: ആവശ്യത്തിന് ലെഗ്‌റൂം ഉണ്ടെങ്കിലും, പിന്നിലേക്ക് ചരിഞ്ഞിറങ്ങുന്ന റൂഫ്‌ലൈൻ കാരണം 6 അടിക്കുമേൽ ഉയരമുള്ള യാത്രക്കാർക്ക് ഹെഡ്‌റൂം കുറവായി അനുഭവപ്പെടാം. കൂടാതെ, പിൻസീറ്റിൽ മൂന്ന് മുതിർന്ന ആളുകൾക്ക് ഇരിക്കാൻ  സൗകര്യമില്ല.

* ഉയർന്ന വേരിയന്റുകളിലെ ഹാർഡ് പ്ലാസ്റ്റിക്: സ്വിച്ചുകളും പാനൽ ഫിനിഷിംഗും മികച്ചതാണെങ്കിലും, ഡാഷ്‌ബോർഡിന്റെ താഴത്തെ ഭാഗത്തും ഡോർ പാഡുകളിലും ഹാർഡ് പ്ലാസ്റ്റിക് വ്യാപകമായി ഉപയോഗിച്ചിരിക്കുന്നത് ₹16–18 ലക്ഷം വിലയുള്ള കാറിൽ അല്പം നിലവാരം കുറഞ്ഞതായി തോന്നാം.

* ഉയർന്ന ബൂട്ട് ലോഡിംഗ് ലിപ്: ബൂട്ട് ആഴമുള്ളതാണെങ്കിലും, ബമ്പറിന്റെ ഉയർന്ന വശം കാരണം ഭാരമേറിയ ലഗേജുകൾ എടുത്തു കയറ്റാൻ കൂടുതൽ അധ്വാനം വേണ്ടിവരുന്നു

BAYON PRICE LIST

* HX 2 MT: ₹9,99,900 (ബേസ് മോഡൽ)

* HX 3 MT: ₹10,89,000

* HX 3+ MT: ₹11,79,900

* HX 5 MT: ₹12,44,900

* HX 6 MT: ₹13,57,000 (ഡ്യുവൽ-ടോൺ ഓപ്ഷൻ: ₹13,72,000)

* HX 8 MT: ₹15,10,000 (ഡ്യുവൽ-ടോൺ ഓപ്ഷൻ: ₹15,25,000)

* HX 10 MT: ₹16,65,000 (ഡ്യുവൽ-ടോൺ ഓപ്ഷൻ: ₹16,80,000)

ഓട്ടോമാറ്റിക് (IVT / CVT) വേരിയന്റ് വിലകൾ

* HX 5 CVT: ₹13,85,000 (ഡ്യുവൽ-ടോൺ ഓപ്ഷൻ: ₹14,00,000)

* HX 6 CVT: ₹14,97,000 (ഡ്യുവൽ-ടോൺ ഓപ്ഷൻ: ₹15,12,000)

* HX 8 CVT: ₹16,54,000 (ഡ്യുവൽ-ടോൺ ഓപ്ഷൻ: ₹16,69,000)

* HX 10 CVT: ₹18,00,000 (ടോപ്പ് മോഡൽ ഡ്യുവൽ-ടോൺ: ₹18,15,000)